PIETERSBURG DLU NUUS

Pietersburg DLU hou elke jaar 'n tarentaaljag om fondse in te samel vir ons veiligheid ens. Met die covid saam kon ons nie laasjaar voort gegaan het met ons tarentaaljag nie en moes ons dit uitgestel het. Ons gaan wel voort hierdie jaar maar net in 'n ander formaat. Ons sien uit daarna om al ons borge weer te sien.

Met die brandstof pryse wat so opgaan het ons besluit om meer vergadering op Zoom te hou en dalk so meer lede te kry om in te skakel. Ons gaan ons stelsel so bietjie opgradeer om te kyk of ons dit beter kan aanbied.

Daar word aandag gegee aan die paaie en sal ons dringend 'n brief rig om te hoor wat die planne is met al die teerpaaie wat uitmekaar val.

Ons is besig met ons veiligheid struktuur en daar word reeds kameras opgesit. Die eerste 2 werk reeds en die volgende kameras gaan binnekort op kom.

Die vergadering het ook besluit om nie 'n Voorsitter te verkies nie maar dat die sekretaresse nou die bestuurder is van die DLU en alle vergaderings sal lei.

Om fondse in te samel het ons besluit om 'n fooi te vra vir besighede wat advertensies wil uitstuur per epos aan ons lede.